حجر جلمود
ذبت سكته ودمعتي فوگ الخدود
وأضل مثل الشمع هذا آنا طبعي
وبعد هيهات أدري الراح ما يعود
لون شمعه بظلام اشّعله صبعي
حسبها وياي وكتي حساب اليهود
بعت كل شي أعلى موده وصفر نفعي
من بطن أمي حزني وياي ممدود
ضل من الزغر وياي يلعي
أمن گماطي الحزن وي روحي معگود
بذرتي من الدمع وهموم زرعي
الوكت وياي حشّد جيش وجنود
شأشگف منه وآنه أنباگ درعي
شسويله الوكت صايرلي صايود
وحط أسهامه بيه وكسر ضلعي
آنه الچنت أگود أصبحت مگيود
ومني أستنكفوا يحچون ربعي
ثيابي من الهموم أتفصلت سود
مافك حزني يادنياي ذرعي
ورغم كل هذا عندي الامل موجود
شكثر ريح الأجت ماطفت شمعي
وأضل گدام وكتي حجر جلمود
ولاگدام شامت رخص دمعي
واگول الحمد لله ... الله موجود
حشى الله يخيّب المن ضيمه يدعي